Fitore solide e Liverpoolit

Liverpooli ka shënuar fitore të lehtë në udhëtim te Aston Villa me rezultat 2-0, duke paralajmëruar rivalët se ka filluar ringritjen në maje.

Liverpooli e filloi shumë mirë këtë takim. Craig Bellamy pas 11 minutash lojë shënoi për 1-0, pas asistimit të Stewart Downing.

Nuk kaloi shumë dhe vetëm pas tri minutave Martin Skrtel shënoi për 2-0 dhe fitoren e Liverpoolit në këtë sfidë, pasi në vazhdim nuk ndryshoi asgjë në rezultat.

Liverpooli me këtë fitore ngjitet në pozitën e gjashtë me pikë të barabarta me Arsenalin dhe me dy pikë më pak se sa Tottenhami.

Wenger: Kundër Cityt na mungoi fati


Menaxheri i Arsenalit, Arsene Wenger, thotë se Topçinjtë ishin të pafat në disfatën e djeshme me rezultat 1-0 ndaj Manchester Cityt.

“Ishte një ndeshje e cila mund të kishte shkuar në të dyja kahet. Ishte shumë e intensifikuar me të dyja ekipet që kërkonin të fitonim. Mendoj se ishim ca të pafat dhe se portieri i tyre bëri një ndeshje të mirë”.

“Ne ishim të pafat pasi duhej të riorganizoheshim në mbrojtje në një pozitë ku tashmë jemi të mangët. Mendova në disa momente se mund ta fitonim ndeshjen nëse qëndronim stabil në mbrojtje, dhe na mungoi ca saktësia në përfundimin e topit”.

“Ne kishim disa mundësi, kur nuk e luajtëm topin mirë. Mbi të gjitha ne bëmë një performancë të shkëlqyeshme, treguam një shpirt të shkëlqyeshëm, kualitet, por na mungoi ca fati dhe kjo është vitale në ndeshjet e mëdha”, ka thënë Wenger. /Telegrafi/